Sinulog Festival sa Cebu

0
251
Cebu Sinulog Festival
Sinulog Dance Festival, Cebu City, Philippines

Sinulog Festival sa Cebu, Matag tuig mahitabo sa buwan sa Enero. Matag tuig aduna kitay pagasaulogun sa atung lugar ilabi na sa atung baryo. Maski sa atong probinsya nga mao atung gikahinaman pag pauli matag tuig. Pero wa nay laing fiesta nga dili nato hikalimtan kung ikaw bisayang sugbuanun. Ang SINULOG.., usa na kini karun sa pinaka ingranding selebrasyon og di lang kay sa tibuok nasud kun di sa tibuok kalibutan tungud kai hasta usab ang mga langyaw mo selebrar pag apil.

Sinulog Festival
Sinulog Dance Festival

Nag sugod kini niadtong tuig 1521 sa dihang na padpad ang mga katsila nga gipangulohan ni Ferdinand Magelan. Dala ang dakong kros og imahi sa batang hesu kristo nga gintawag og sto.niño og ana karun mahimutang sa simbahan nga gi nganlan sa batang sto. niño church. Nag lipayang mga sugbuanon atong higayuna og ila kining gi halaran sa madanihung sayaw samtang nag pasundayag sila sa kadalanan. Tungod kai wa paman ma uso ang disco og live band kaniadto. Nag patukar sila ginamit ang kawayan nga mauy ilang instrumento arun kini maka mugna og tukar. Halad lang kadto ang gibuhat nila kaniadto sa pagsayaw arun pag maya og palipay sa batang si snr. sto.niño.

Sinulog Festival
Sinulog Festival

Minglabay ang mga katuigan melambo kini og mi anam anam pagka bungga sa pag saulog sa fiesta tungod kai dili lang mga sugbuanon lakip na ang mga silingan dapit sa atong syudad. Og hangtud karun lukop nasud na kining gipa ambit sa mga katawhan. Naghuot og nagpunsisok ang mga debotes ni snr.sto.niño bahalag magkailis ang mga dagway basta makakita lang sa mga pasundayag sama sa mga sayaw sa dagkung o higanti nga manikin nga mauy sagad kahdlukan sa mga bata. anaa usab ang mga sikat nga mga artista og mga basketbolista, mga nagka lainlaing desenyo sa mga dagkong sakyanan nga alirungan sa mga maanindot nga buwak. Mga nagka lainlaing produkto sa mga sugbuanon sama sa ampao, utap, turta og uban pang lamiang pag kaun.

Sinulog Festival in Cebu
Sinulog Fireworks Celebration

Ming dagsa usab ang mga nagka lainlaing langyaw og tungod nila halos ang mga balay kapahulayan dilibna maabangan tungod sa bug os nga mga torista. Og tungod sa ka ingrandi nga pag saulog ni aning fiestaha dili ma kumplito kung wala ang fireworks nga mahitabo sulod sa usa ka uras sa managlahing lugar sama sa ayala og abellana diin ipahigayun ang sayaw sa sinulog. Daghan man tuod nga kalingawan,pagmaya og kalipay ang mahiaguman. Pero kinahanglan dili nato pasubraan. tungod kai ngari mo siaw ang mga kabuang. Traffic of inilugay sa sakyan de pasaheruan kun dili ka sakay mag baklay nalang, way igsapayan kay lingaw man. Pipila lang kini sa mga kalipay nga mahiaguman og angay pahimuslan kay pila pa ka buwan una balikan ang ka fiestahan. Sinulog ang usa sa mga kabilin sa atong mga apuhan og dapat atung ampingan.